Ван Перси ўзи билан бирга ўйнаган энг зўр 6 та футболчини айтди

Яқиндагина фаолиятини якунлаган голландиялик ҳужумчи Робин ван Перси ўзи билан бирга ўйнаган энг яхши футболчиларни санаб ўтди.

“Кимнидир алоҳида ажратиш жуда қийин. Бу борада Деннис Бергкамп, Тьерри Анри, Райан Гиггз, Пол Скоулз, Уэйн Руни ва Руд ван Нистелройларни айтишим мумкин”, - дейди ван Перси.

Маълумот учун, 35 ёшли собиқ футболчи фаолияти давомида"Фейеноорд", "Арсенал", "Манчестер Юнайтед" ва "Фенербахче" каби жамоаларда тўп сурган. Голландия терма жамоаси сафида эса 102та ўйинда майдонга тушиб, рақиблари дарвозасига 50та гол урган.