Варан "Реал" раҳбариятига жамоадан кетмоқчилигини айтди

Мадриднинг "Реал" клуби ҳимоячиси Рафаэль Варан ёзда жамоадан кетмоқчи. Бу ҳақда El Chiringuito нашри хабар бермоқда.

Юқоридаги манбаага кўра 25 ёшли франциялик футболчи ўзининг ушбу истагини  “қироллик клуби” раҳбариятига ҳам маълум қилган. Унга “Ювентус” ва “Манчестер Юнайтед” клубларидан жиддий қизиқиш бор. Таъкидлаш керакки Вараннинг трансфери 100 млн еврога баҳоланмоқда.

Маълумот учун, Варан “Реал” сафида 2011 йилдан буён тўп суриб келмоқда. У жорий мавсум 35та ўйинда майдонга тушди ва ўз ҳисобига 2та гол уришга эришди. Унинг мадридликлар билан амалдаги шартномаси 2022 йилга қадар имзоланган.