
Velosport. Aziz Ataxo‘jaev jahon chempionatida yana shohsupaga ko‘tarildi!
Xabar berganimizdek, ayni kunlarda Shveytsariyaning Tsyurix shahri para velosportning shosse yo‘nalishi bo‘yicha jahon chempionatiga mezbonlik qilmoqda. E’tiborlisi, erkaklar o‘rtasida T1 klassida 31.8 km masofaga o‘tkazilgan guruh poygasi bellashuvlarida ishtirok etgan hamyurtimiz Aziz Ataxo‘jayev 1 soat 04:07 daqiqa natija qayd etib, 3-o‘rinni egalladi va o‘zining ushbu jahon chempionatidagi ikkinchi bronza medalini qo‘lga kiritdi.
Eslatib o‘tamiz, Aziz Ataxo‘jayev bundan avval ushbu jahon chempionatida vaqt poygasi yo‘nalishida ham bronza medalni qo‘lga kiritgan va O‘zbekiston tarixida jahon chempionatida sovrindor bo‘lgan birinchi para velosportchiga aylangan edi.
Fikrlar