Велоспорт. Вакилларимиз Франциядаги жаҳон чемпионатида қандай натижалар қайд этди?

Францияда велоспортнинг трек йўналиши бўйича жаҳон чемпионати ўз якунига етди. Унда Ўзбекистон терма жамоаси ҳам қатнашди.

Ўзбекистон Миллий Олимпия қўмитаси матбуот хизматининг хабар беришича, мусобақада ҳамюртларимиз шоҳсупага кўтарила олмаган бўлсалар ҳам, пойгалар орқали улкан тажриба тўплашди.

Чемпионатда вакилларимиз қайд этган натижалар билан танишинг:

Аёллар

Яккалик таъқиб пойгаси: Янина Кускова (21-ўрин)

Жамоавий таъқиб пойгаси: София Каримова, Нафосат Козиева, Янина Кускова, Маргарита Мисюрина (15-ўрин)

Очколар пойгаси: Янина Кускова (21-ўрин)

Медисон: София Каримова, Нафосат Козиева (финишга етиб келишмади).

Эркаклар

Яккалик таъқиб пойгаси: Алексей Фомовский (25-ўрин)

Жамоавий таъқиб пойгаси: Дмитрий Бочаров, Эдем Эминов, Даниил Евдокимов, Алексей Фомовский (16-ўрин).