"Вердер" - "Боруссия" Дортмунд: Матнли трансляция

Ассалому алайкум, қадрли футбол ихлосмандлари! Германия Бундеслигаси 12-туридан ўрин олган "Вердер" - "Боруссия" Дортмунд бахси сайтимиз орқали сизга онлайн матнли тарзда тақдим этилади. Матнли трансляцияни Абдулла Маннонов олиб боради. Учрашувдаги воқеалардан хабардор бўлиб туриш учун саҳифани янгилаб туришингиз тавсия этилади.

• 90+5'
  

  Учрашув якунланди! "Боруссия" Дортмунд сафарда иродали ғалабага эришди. Матнли трансляцияни Абдулла Маннонов олиб борди. Эътиборингиз учун раҳмат!

• 90+2'
  

  Яқиндагина майдонга тушган Романо Шмид қўпол подкат амалга ошириб сариқ карточка ишлаб олди.

• 90'
  

  Учрашувга жами тўхталишлар учун 5 дақиқа вақт қўшиб берилди. Сунгги дақиқалар анча қизғин курашларга бой ўтмоқда.

• 87'
  

  Ник Вольтмейд қўполлиги учун чариқ карточка билан жазоланди.

• 86'
  

  Бременликлар сафида сўнгги ўзгаришлар амалга оширилди: Топрак ва Мбом ўрнига Агу ва Шмид ўйинга қўшилди.

• 85'
  

  Дортмундликларнинг вақтинчалик мураббийи навбатдаги ўзгаришларни ҳам амалга оширмоқда: Ҳуммелс ва Морей ўрнига Загаду ва Пишек ўйинга қўшилди.

• 82'

  "Вердер" жавоб қайтариш учун жон-жаҳди билан ҳаракат қилмоқда.

• 80'
  

  "Асалари"лар сафида яна бир ўзгариш: Юсуф Мукоко майдонни тар этди, ўрнига Эмре Жан ўйинга қўшилди.

• 79'
  

  ГОООООООООООООООООООЛЛЛ!!! Дастлаб пенальтидан фойдалана олмаган Ройс қайтган тўпга биринчи бўлиб чиқиб борди ва гол уришга муваффақ бўлди! Ҳисоб 1-2! Дортмундликлар қайтди!

• 77'
  

  Павленко "Боруссия" Дортмунд футболчиси Загадуга нисбатан ўз жарима майдони ичида қоида бузилишини намойиш этди, ҳакам 11 метрлик нуқтага ишора қилди! 

• 76'
  

  Жейдон Санчо яна бир муваффақиятсиз бурчак зарбасини ижро этмоқда.

• 74'
  

  "Боруссия" Дортмунд сафида ҳам ўзгариш амалга оширилди: Беллингхем ўрнига ўйинга Юлиан Брандт қўшилди.

• 74'
  

  "Вердер" сафида яна бир ўзгариш: Юя Осако ўрнига Патрик Эррас ўйинга қўшилди.

• 73'
  

  Марко Ройс тўпни ажойиб тарзда қабул қилиб олиб, зарба позициясига чиқиб олди. Зарба кучли ва аниқ бўлди, дарвозабон тўпни қўлларининг учи билан майдон ташқарисига чиқариб юборишга муваффақ бўлди.

• 69'
  

  Геррейронинг жарима зарбасини Павленко қийинчилик билан бўлса-да, бартараф этди.

• 67'

  Ажойиб пас, Беллингхем уни ўзига етиб келишини кутиб турган жойида ҳимоячилар уни тўпсиз қолдиришди.

• 65'
  

  "Вердер" Бремен сафида 2 ўзгариш амалга оширилди: Сарджент ва Мовальд ўрнига Битенкур ва Вольтмейд майдонга тушди.

• 63'
  

  "Вердер"нинг бурчак зарбасини Аугустинссон яна бир бор боши билан дарвозага тўғирлади. Аниқлик етишмаяпти.

• 61'

  "Вердер" футболчиси Аугустинссоннинг бош билан берган зарбаси Бюрки қўриқлаётган дарвоза устунига тегиб майдонни тарк этди. Тўп "Боруссия"га қайтди.

• 60'
  

  Аксель Вицельнинг қўпол қоидабузарлиги учун ҳакам Роберт Шредер сариқ карточка кўрсатди.

• 58'
  

  Жейдон Санчонинг голи офсайд сабабли бекор қилинди. Футболчининг ўзи эса бундан ҳайратда.

• 56'

  Рафаэль Геррейро жарима майдони ташқарисидан туриб кучли зарба беришга муваффақ бўлди, бироқ унинг зарбасини ҳимоячилар блоклади.

• 54'
  

  Мезбонлар футболчиси Кристиан Гросс ҳакамга қўполлик қилгани учун сариқ карточка билан жазоланди.

• 53'

  "Вердер" футболчиси Гебре Селасси пенальти нуқтасидан туриб бош билан дарвозага тўпни йўналтирди, Бюрки тўпни ушлаб қолди.

• 51'

  Юсуф Мукоко рақиб жарима майдони ичига ажойиб тарзда кириб борди ва кучли зарба беришга муваффақ бўлди, зарба эса дарвоза устунига тегиб, майдон ташқарисига чиқиб кетди!!!

• 49'

  Жуд Беллингхем ўзини босиб олиши зарур. Унинг ишлатган фоли жуда катта жанжалга сабаб бўлиши мумкин эди, бироқ ҳакам барчасини олдини олди. Жарима зарбаси.

• 48'
  

  Рафаэль Геррейро ўйиндан ташқари ҳолатда қолиб кетди. Лайнсмен байроғини кўтарди.

• 47'
  

  Кевин Мовальд бурчак тўпини тезлик билан амалга оширди, бироқ унинг уринишлари бесамар кетди. "Боруссия" яхши ҳимояланди.

• 46'
  

  2-таймга старт берилди.

• 45'

  Футболчилар майдонга қайтишмоқда. Биз ҳам қайтамиз.

• 45+1'
  

  1-тайм якунланди. Ҳозирча ҳисоб 1-1!

• 45'
  

  "Вердер" бурчак тўпи тепди. Ҳимоячилар ўз ўрнида.

• 44'
  

  Роман Бюркидан суперсейв! Людвиг Аугустинссоннинг жарима майдони ташқарисидан туриб ўнг бурчакка берган зарбаси кипер томонидан моҳирона қайтарилди! Браво!

• 43'
  

  "Боруссия" Дортмунд бурчак зарбасидан натижа чиқара олмади. "Вердер" футболчилари қарши ҳужумга ўтиб кетди.

• 42'

  Мануэль Аканжи жарима зарбасидан сўнг боши билан тўпни дарвозага йўналтирди, бироқ ноаниқ.

• 41'

  Майдоннинг ўнг тарафида узоқ муддат давомида тўп учун кураш кечди, ҳакам эса ҳуштагини чалди. Ўйин қоидаси бузилди.

• 35'
  

  Марко Ройс ҳужумда ишлатган қўпол фоли учун сариқ карточка билан жазоланди. 

• 31'

  Жованни Рейна бурчакдан узатилган тўпни боши билан дарвозага йўналтирди, бироз ноаниқ.

• 30'
  

  Жейдон Санчо бурчак зарбасини ижро этади.

• 29'
  

  ГОООООООООООООООООООЛЛЛ!!! Эггештайннинг супер узатмасини қабул қилган Кевин Мовальд дарвозанинг пастги бурчагига тўпни михлаб қўйди! 1-1!

• 27'

  Устунлик икки жамоада ҳам эмас. Рақиблар бирин-кетин кучини намойиш этишмоқда.

• 24'

  Жованни Рейна қоидани қўпол тарзда бузди. Ҳакам уни оғзаки огоҳлантириш билан чекланди.

• 24'
  

  "Боруссия" Дортмунд бурчак тўпи тепишга муваффақ бўлди. Бироқ муваффақиятсиз.

• 20'

  "Вердер" ҳам рақибидан қолишмаган ҳолда ўйинни ўтказмоқда. Тўп назорати 51-49!

• 19'

  "Асаларилар" қисқа паслар билан ўйин темпини назорат қилмоқда.

• 17'

  Жованни Рейна қанотдан жарима майдони ичига тўпни ҳаволатиб етказиб беришга ҳаракат қилди, бироқ тўп тўппа-тўғри дарвозабоннинг қўлига бориб тушди. Иржи Павленко позиция танлашда адашмади.

• 15'

  Голдан сўнг дортмундликлар ақлли ўйин намойиш этиши эвазига тўпни бирмунча назорат қилмоқда.

• 12'
  

  ГООООООООООООООООООЛЛЛ!!! Учрашувда ҳисоб очилди! Керакли жойда, керакли пайтда пайдо бўлиб, тўпни қабул қилган Рафаэль Геррейро дарвозанинг қоқ ўртасига тўпни жойлаб қўйди! 0-1!

• 12'

  Жейдон Санчо тўп билан ажойиб тарзда ўйнади ва қанотдан туриб тўпни ичкарига узатишга ҳаракат қилди. Ҳимоячилар эса унинг зарбасини блоклади.

• 10'

  Бременликлар бурчак тўпидан хавфли ҳужум юзага келтиришди, бироқ дортмундликлар уни бир амаллаб бартараф этиб, қарши ҳужумга ўтиб кетишди.

• 8'

  Жул Беллингхем хавфли ўйин намойиш этди ва ҳакам жарима белгилади.

• 7'

  Мезбонлар футболчиси Юя Осако қўпол фол ишлатди, буни кўрган ҳакам ҳуштагини чалиб, жарима тўпи белгилади.

• 5'

  Юссуф Мукоко зарба беришда бир неча сантиметрларга адашди: унинг берган зарбаси дарвоза устунининг ёнгинасидан ўтиб кетди! "Вердер" футболчилари тўпни дарвозадан ўйинга киритиб беришади.

• 2'

  "Вердер" дарвозабони Павленко кучли узатмаси билан жамоадошларини ҳужумга чиқариб юборди, бироқ "Боруссия" кипери Роман Бюрки тўпга биринчи чиқиб келиб, вазиятни бартараф қилди.

• 1'
  

  Учрашув бошланди! 

• 0'

  Футболчилар майдонга чиқиб келишмоқда, Бундеслига мадҳияси янгради.

• 0'

  Ассалому алайкум, қадрли футбол ихлосмандлари! Германия Бундеслигаси 12-тури, "Вердер" - "Боруссия" Дортмунд бахсини сайтимиз орқали матнли тарзда томоша кузатиб боришингиз мумкин. Матнли трансляцияни Абдулла Маннонов олиб боради.