Верратти ПСЖда қолиши мумкин

Ярим ҳимоячи Марко Верратти келаси мавсумда ПСЖда қолиши мумкин. Бу ҳақда "Lequipe" нашри хабар бермоқда.

Жамоа бош мураббийи Луис Энрике италиялик футболчининг сотилишига қарши. У Верраттини асосий ярим ҳимоячи деб ҳисоблайди.

Аввалроқ Маркога Саудия Арабистони чемпионати клублари қизиқиш билдираётгани ҳақида хабар берилганди. Италиялик футболчини “Ал-Аҳли” ва “Ал-Ҳилол” ўз сафига қўшиб олмоқчи.

30 ёшли ярим ҳимоячи парижликлар жамоасида 2012 йилдан буён ўйнаб келмоқда, унинг шартномаси 2025/2026 йилги мавсум охиригача амал қилади. "Transfermarkt" портали уни 40 миллион еврога баҳоламоқда.