"Вест Хэм" тўпурари Одил Аҳмедовнинг жамоадошига айланди

Лондоннинг "Вест Хэм" клуби форварди Марко Арнаутович фаолиятини Хитойда давом эттирадиган бўлди.

Sky Sports нашрининг ёзишича 30 ёшли австриялик футболчи ҳамюртимиз Одил Аҳмедов тўп сураётган "Шанхай СИПГ" клуби сафига бориб қўшилади. “Болғачилар” эса уни хитойликларга 25 млн еврога сотишга рози бўлишган. Бу борадаги расмий хабар тез орада эълон қилиниши кутилмоқда.

Маълумот учун, Арнаутович ўтган мавсум АПЛнинг 28та учрашувида иштирок этди ва 10та гол ҳамда 4та голли узатмага муаллифлик қилишга эришди.