"Вест Хэм" ва МЮ бир футболчи учун курашади

Англиянинг икки клуби "Вест Хэм" ва "Манчестер Юнайтед" ёзги трансфер мавсумида бир футболчини сотиб олиш учун курашади.

The Sun нашри хабарига кўра, икки инглиз клуби ПСВ ҳужумчиси Ирвинг Лосанога қизиқиш билдирмоқда. Аввалроқ "қизил иблислар" Лосано трансферини 45 миллион еврога баҳолаган эди. Эндиликда "Вест Хэм" раҳбарияти ҳам ушбу футболчини сотиб олиш истагида бўлиб турибди.

Мексикалик форварднинг ўзи ҳам фаолиятини АПЛда давом эттириш истагида эканлигини яширмаган.