Вьетнам чемпионатида ўйнаётган легионеримиз ҳақида билармидингиз?

Вьетнам чемпионати 16-тури доирасидаги "Вьеттел" ва "Хоанг Зялай" жамоалари ўртасидаги ўйин бўлиб ўтди. Мазкур баҳсда меҳмонлар 1:0 ҳисобида ғалаба қозонди.

"Вьеттел" клубида "Металлург", "Андижон" ва "Локомотив" жамоаларида фаолият юритган Жаҳонгир Абдумўминов ўйнамоқда. Футболчи бугунги беллашувда асосий таркибда майдонга тушиб, 61-дақиқада захирага олинди.

Маълумот учун, "Вьеттел" айни дамда чемпионатда 17 очко билан 14 жамоа ичида 12-ўринда бормоқда.