Vetnam ustozi: "Raqibning qarorlarini muhokama qilmayman"

Xabaringiz bor, ayni vaqtda yurtimizda 23 yoshgacha bo‘lganlar o‘rtasida Osiyo kubogi turniri davom etmoqda. 1-turdan o‘rin olgan Tailand - Vetnam bahsi bo‘lib o‘tdi va unda 2:2 hisobi qayd etildi. Bellashuvdan so‘ng har ikkala jamoa murabbiylari matbuot anjumanida ishtirok etdi. Quyida Vetnam ustozi Gong Kyun o‘z fikrlari bilan tanishib chiqishingiz mumkin. 

- Bugungi o‘yinda futbolchilarim borini berib harakat qilishdi. Ushbu bahs boshqa uchrashuvlardan farq qiladi. Bu boshqacha uchrashuv bo‘ldi. 

- Tailand birinchi bo‘limda o‘z rejasini o‘zgartirishga harakat qildi. Bu almashtirishlar ularning qarori, men esa faqat o‘z jamoamga javobgarman. 

- Yo‘qotishlar jamoaning o‘yiniga ta’sir qilgani bor gap. Shunday bo‘lsa-da, bor futbolchilar bilan qo‘ldan kelgancha harakat qildik va ularning o‘yinidan ko‘nglim to‘ldi. 

- Darvozabonning xatosini bilintirmaslikka harakat qildik va ikkinchi bo‘limda ancha ishonchli o‘yin ko‘rsatdik. 

- Keyingi bahs Janubiy Koreyaga qarshi bo‘lib o‘tadi. Koreyslar juda kuchli va ushbu bellashuvga jiddiy tayyorgarlik ko‘ramiz. O‘ylaymanki, shogirdlarim bu bahsda ham yaxshi natija ko‘rsata oladi.