Вейналдум "Ливерпуль"дан янги шартнома кутмоқда

Голландиялик ярим ҳимоячи Жоржиньо Вейналдум “Ливерпуль” билан амалдаги шартномасини узайтирмоқчи. Бу ҳақда Sky Sports нашри хабар тарқатмоқда.

Юқоридаги манбага кўра, 29 ёшли футболчининг вакиллари мерсисайдликлар раҳбариятидан янги шартнома борасида музокаралар бошлаш бўйича таклиф кутмоқда. Вейналдумнинг “Ливерпуль” билан амалдаги шартномаси 2021 йилга қадар имзоланган.

Жоржиньо ўтган мавсум АПЛда жами 37 та ўйинда майдонга тушди ва 4 та гол урди. У “Ливерпуль” сафида 2016 йилдан буён тўп суриб келмоқда.