Villian "Chelsi"da 40 yoshigacha o‘ynamoqchi

"Chelsi" klubi yarim himoyachisi Villian “aristokratlar” safida 40 yoshgacha o‘ynashga tayyor.

Uning so‘zlariga ko‘ra u yozda boshqa jamoaga o‘tmaydi. Villian londonliklar bilan shartnomani uzaytirish bo‘yicha muzokaralar o‘tkazmoqda.

Ma’lumot uchun, 31 yoshli braziliyalik futbolchi “Chelsi” safida 2013 yildan buyon to‘p surib kelmoqda. U joriy mavsum APLda 15 ta o‘yinda maydonga tushdi va 2 ta gol hamda 3 ta golli uzatma yozdirib qo‘yishga erishdi. Uning klub bilan amaldagi shartnomasi 2020 yilning yoziga qadar tuzilgan.