"Вильярреал" - "Манчестер Юнайтед": Асосий вақтда ғолиб номи аниқланмади. Экстра-таймларга мурожаат қиламиз! (матнли трансляция)

Ассалому алайкум, қадрли футбол ихлосмандлари! Европа Лигаси финал босқичидан ўрин олган "Вильярреал" - "Манчестер Юнайтед" тўқнашувига хуш келибсиз. Ўйинни сайтимиз орқали матнли кўринишда кузатиб боришингиз мумкин.

• 120'
  

  Учрашув якунланди. "Вильярреал" жорий мавсум Европа Лигасида зафар қучди!

• 120'
  

  Ана холос! Ўзидан ўнг томонга кучсиз зарба берган Де Хеа жамоасига панд бериб қўйди.

• 120'
  

  Дарвозбонлар дуэлини бошлаб берган Рульи ўнг томонга кучли зарба йўллади ва дарвозани ишғол этди.

• 120'
  

  Виктор Линдельофнинг чап томонга берган зарбасини дарвозабон қайтара олмади.

• 120'
  

  Пау Торреснинг мукаммал зарбасидан сўнг Де Хеа ҳеч нима қолмади.

• 120'
  

  Туанзебе ўнг томонга зарба бериб, ҳисобни тенглаштирди.

• 120'
  

  Марказга кучли зарба берган Гаспарнинг уринишини Де Хеа қайтара олмади.

• 120'
  

  Люк Шоунинг зарбасидан кейин дарвозабон тўпни қайтарди. Бироқ тўп дарвозага кириб кетди.

• 120'
  

  Френсис Кокленнинг зарбаси дарвозанинг тўққизлик бурчагидан жой олди. Қайтариб бўлмас зарба.

• 120'
  

  Жэймснинг ўнг томонга берган зарбасини дарвозабон қайтара олмади.

• 120'
  

  Тажрибали Альбиоль ўзидан ўнг бурчакка оҳиста зарба йўллаб, дарвозабонга имконият қолдирмади.

• 120'
  

  Фреднинг кучли зарбасидан кейин тўп дарвоза тўридан жой олди.

• 120'
  

  Марказга зарба берган Мои Гомес жамоасини олдинга олиб чиқди.

• 120'
  

  Эдинсон Кавани ҳам 11 метрлик нуқтадан адашмади. Энди ҳаммаси кимнингдир 1та хатосигача давом этади.

• 120'
  

  Дани Парехонинг ишонч билан йўллаган зарбасидан кейин Де Хеа тўп йўналишини топа олмади.

• 120'
  

  Маркус Рэшфорд пенальтини совуққонлик билан ижро этди.

• 120'
  

  Ўзидан ўнг томонга пастлатиб зарба берган Альберто Морено дарвозани ишғол этди.

• 120'
  

  Бруну Фернандеш пенальтидан гол ура олмаса уят бўлар эди! Унинг зарбасини дарвозабон қайтара олмади.

• 120'
  

  Пако Алькесернинг зарбасидан кейин дарвозабон тўпни қайтарди. Бироқ зарба кучлилик қилди.

• 120'
  

  Алекс Теллес ҳам чап томонга кучли берган кучли зарбаси эвазига ҳисобни тенглаштирди.

• 120'
  

  Дани Раба марказга зарба йўллаб, Де Хеани алдай олди.

• 120'
  

  Матанинг чап томонга йўллаган кучли зарбаси олдида дарвозабон ожиз қолди.

• 120'
  

  Дастлабки зарбани Моренодан. Жерарнинг чап томонга йўналтирган тўпини дарвозабон қайтара олмади.

• 120'

  Барча футбол лотереясига тайёргарлик кўрмоқда. 

• 120+4'
  

  Учрашувнинг асосий вақти якунланди. Барчаси пенальтилар сериясида аниқланади!

• 120+3'
  

  МакТоминей ҳамда Уан-Биссака ўрнига Теллес ва Мата ўйинга қўшилди.

• 120+1'

  Сўнгги сонияларни испанияликлар ҳужумда ўтказмоқда. МЮ пенальтилар сериясига тайёрланётганга ўхшайди.

• 120'
  

  Ўйиннинг асосий вақтига 3 дақиқа қўшиб берилди.

• 118'
  

  Люк Шоуга тиббий ёрдам кўрсатилмоқда.

• 116'
  

  Байи ва Погба ўрнига Туанзебе ҳамда Жэймс ўйинга қўшилди.

• 114'

  Жарима майдони ичида тўп Фреднинг қўлига тегиб кетди. Бироқ ҳакам вазиятни одатий дея баҳолади.

• 113'
  

  Эдинсон Кавани огоҳлантирилди.

• 110'

  Томонлар сўнгги кучини тўплаб олдинга ўтмоқда.

• 107'

  Ўйин паст темпда давом этмоқда. Томонларнинг эҳтиёткорлиги юқори даражага чиқди.

• 105'
  

  Сўнгги тайм бошланди!

• 105+2'
  

  Танаффус!

• 105+1'
  

  Маркус Рэшфорд ўйиндан ташқари ҳолатда қолиб кетди.

• 105'
  

  1-экстра таймга 1 дақиқа қўшиб берилди.

• 104'

  Скотт СакТоминей ҳужумда қоида бузди. Унинг бу ҳаракати карточкага етарли бўлмади.

• 102'

  Эмери шогирдлари бурчак зарбасидан наф чиқара олмади. Яна бир вазият қўлдан кетди.

• 100'
  

  Мазкур дақиқага келиб Сульшер илк ўзгаришни амалга оширди. Мэйсон Гринвуд ўз ўрнини Фредга бўшатиб берди.

• 97'

  Қарши ҳужумга ўтаётган МакТоминей йиқилиб тушди. Ҳакам ўйинни давом эттиришга рухсат берди.

• 96'

  Тўп назорати испанияликлар томонга ўтди. Гол уларга ҳам зарур.

• 94'

  Асосий вақтда юз берган картина такрорланмоқда. МЮ тўпни назорат қилмоқда. "Вильярреал" қарши ҳужумларга таяняпти.

• 92'

  Тўп назорати ҳамон манкунияликлар томонда бўлиб турибди.

• 90'
  

  1-экстра тайм бошланди!

• 90+3'
  

  Асосий вақтда ғолиб номи аниқланмади. Экстра-таймларга мурожаат қиламиз!

• 90+2'

  Испанияликлар ғалабани илиб кетиши мумкин эди. Бироқ Пау Торреснинг зарбасига аниқлик етишмади.

• 90'
  

  Ўйиннинг асосий вақтига 3 дақиқа қўшиб берилди.

• 89'

  Поль Погбанинг бош билан йўллаган зарбасига аниқлик етишмади.

• 88'
  

  Педраса ва Фойт захирага олинди. Улар ўрнини Альберто Морено ҳамда Марио Гаспар тўлдирди.

• 86'

  "Қизил иблислар" навбатдаги стандарт вазиятдан наф чиқара олмади.

• 84'
  

  Рақибига нисбатан қоида бузган Хуан Фойтга сариқ карточка кўрсатилди.

• 83'

  Стандарт вазиятдан оширилган тўпни Де Хеа ушлаб олди.

• 81'

  Темп яна бироз пастлади. Сўнгги дақиқаларда эҳтиёткорлик биринчи планда.

• 79'

  Шеригининг узатмасидан кейин тўпни Кавани товони билан дарвозага йўллади. Альбиоль тўп йўлига блок қўйишга муваффақ бўлди.

• 77'
  

  Пако Алькасер ҳамда Мои Гомес майдонга тушди. Улар Тригерос ва Ереми Пинони алмаштирди.

• 75'
  

  Педраса фаол ҳаракатлари билан жамоасига бурчак тўпи ишлаб берди.

• 73'

  Сўнгги дақиқаларда "сариқ сувости кемаси" ҳам бироз жонланиб қолди.

• 71'
  

  Каванинг зарбасидан кейин Пау Торрес жамоасини муқаррар голдан сақлаб қолди. Ҳимоячидан сейв!

• 70'

  Брунунинг узатмасидан кейин Рэшфорд ўта қулай имкониятни кўкка совурди. Маркус 6-7 метр масофадан ноаниқ зарба берди.

• 69'

  Ўйин темпи бироз пасайди. Бўрон олдидан сукунат кузатилаётгандек, гўё.

• 67'

  Жарима майдонидан узоқ бўлмаган ҳудудда "қизил иблислар" стандарт вазиятни қўлга киритди.

• 66'

  МакТоминейнинг зарбаси Тригеросдан ўтмади.

• 64'

  Тўп жарима майдони ичида испанлар ҳимоячисининг қўлига теккандек кўринди. Ҳакам тўп майдон ташқарисига чиқиб кетишини кутмоқда. Тюрпен таваккал қилмоқчи эмас.

• 62'
  

  Маркус Рэшфорд воқеалар ривожидан бироз илгарилаб кетди.

• 61'

  Жарима майдонига ёриб киришни уддалай олмаган Гринвуд ортга чекинишга мажбур бўлди.

• 60'
  

  Карлос Бакка ўз ўрнини Франсис Кокленга бўшатиб берди.

• 58'

  Бугун Скотт МакТоминей анча фаол ҳаракат қиляпти. У ўйини чиқмаётган Бруну Фернандеш учун ҳам югурмоқда.

• 57'

  Фернандешнинг кучли зарбасига аниқлик етишмади.

• 55'
  

  ГООООООООООООООООО! Кавани ҳисобни тенглаштирди!

  Жарима майдони ичида тўпни қабул қилиб олган "Эл-матадор" бўш қолган дарвозани ишғол этди.

• 54'

  Жарима майдони ичида МакТоминей техника намойиш этиб бир неча рақибини алдади. Бироқ зарба рекошет натижасида ўз йўналишини ўзгартирди.

• 54'
  

  Бруну Фернандешни йиқитган Капу огоҳлантирилди. МЮда стандарт вазият.

• 53'

  ВАРга қулоқ солган режери пенальти йўқлигини таъкидлади.

• 52'

  Мэйсон Гринвуд жарима майдони ичида йиқилиб тушди. Тюрпен ҳозирча жим.

• 51'

  Тўпни олдириб қўйган Эдинсон ҳужумда қоида бузди.

• 50'

  Уан-Биссаканинг узатмаси Каванига қадар етиб келмади.

• 48'

  МЮ жарима майдони ичида саросима юзага келди. Бироқ испанияликлар бу вазиятдан унумли фойдалана олмади.

• 47'

  Погба Баккага нисбатан қўполлик ишлатди.

• 46'

  Футболчилар майдонга қайтди. Навбат бизники!

• 45+3'
  

  Жарима майдонига оширилган тўпни Де Хеа муштлари билан узоқлаштирди. Танаффус!

• 45+2'

  Бўлим сўнгида номинал мезбонлар бурчак зарбаси ишлаб олди.

• 45+1'
  

  Гринвуднинг узатмасидан кейин тўп рекошет натижасида дарвоза томон йўл олди. Дарвозабон ўз ўрнида.

• 45'
  

  Биринчи бўлимга 2 дақиқа қўшилди.

• 44'

  Биринчи таймни инглизлар тўп назорати билан ўтказди ва катта куч йўқотди. Испанияликлар мудофаада ўз имкониятни кутди ва битта стандартдан фойдаланиб ҳисобни очди.

• 42'

  Бугун "Манчестер Юнайтед" футболчилари ўзига ўхшамаяпти.

• 40'

  Жарима майдони ичида Кавани тўпни осонликча рақибга топширди.

• 38'

  Зич ўйнаётган Эмери шогирдлари ҳимояда яхши ҳаракат қиляпти.

• 36'

  Уан-Биссаканинг кескинлаштирувчи узатмасини ҳимоячилар қайтарди.

• 35'

  Манкунияликлар қанотларни фаол ишлатиб олдинга ўтмоқда.

• 33'

  МЮ футболчиларида "браклар" кўпайиб кетмоқда. Сульшер асабийлашишни бошлади.

• 32'

  Маркус Рэшфорднинг узатмаси ҳимоячидан ўтмади.

• 31'

  Гол уриб олган испанлар тўп назоратини қўлга олишга ҳаракат қилмоқда.

• 29'
  

  ГООООООООООООООООЛ! "Вильярреал" ҳисобни очди!

  Стандартдан етказиб берилган тўпни Жерар Морено дарвозага тўғирлаб юборди.

• 28'

  Томонлар бироз эҳтиёткор футбол намойиш этмоқда.

• 26'

  Жарима майдонига киришга қийналаётган "қизил иблислар" қисқа узатмалар билар ожиз нуқтани қидирмоқда.

• 24'

  Олис масофадан берилган зарбани "Вильярреал" посбони ушлаб олди.

• 24'

  Зарба позициясида турган Кавани узатма амалга оширди. Бу қарор хато бўлиб чиқди.

• 23'

  Бакканинг "Рабона" услубидаги узатмасидан кейин Пау Торрес ноаниқ зарба берди.

• 22'

  "Сариқ сувости кемаси" кетма-кет икки бурчак зарбасидан фойдалана олмади.

• 21'
  

  Жарима майдонига оширилган тўпни Байи майдон ташқарисига чиқариб юборди. Испанияликлар бурчакдан тўпни ўйинга киритиб беради.

• 20'

  Люк Шоунинг зарбасифат узатмаси тўсин ёнгинасидан ўтиб кетди.

• 19'

  Қанотда Кавани йиқилиб тушди. Бироқ рефери унинг эътирозига эътибор бермади.

• 17'

  Бу сафар Альбиоль Каванига қарши ҳужумга ўтиб кетиш имконияти бермади. Тюрпен фол белгилади.

• 16'

  Тригероснинг ўткир бурчакдан йўллаган зарбасига аниқлик етишмади.

• 15'

  Эрик Байи марказда Педрасага нисбатан тактик фол ишлатди. Ҳакам уни оғзаки огоҳлантирди.

• 13'

  Хуан Фойт махсус боғич билан майдонга қайтди.

• 12'
  

  Поль Погба ўйиндан ташқари ҳолатда қолиб кетди.

• 11'

  Гринвуднинг жарима майдони марказига берган узатмаси рақибдан ўтмади.

• 10'

  Фойтнинг бурнидан қон оқмоқда. У майдонни тарк этиши мумкин.

• 9'
  

  Погба билан тўқнашиб кетган "Вилярреал" футболчисина тиббий ёрдам кўрсатилмоқда.

• 7'

  МакТоминейнинг жарима майдони ташқарисидан берган зарбасига аниқлик етишмади.

• 6'

  Жарима майдони ичида тўпни қабул қилган Кавани ҳужумни давом эттира олмади.

• 5'

  Эмери шогирдлари мудофаада ишончли ҳаракат қилмоқда. МЮ жарима майдонига кира олганича йўқ.

• 3'

  Тўп назорати инглизларда. Рақиб томон зич ўйин кўрсатмоқда.

• 2'

  Кутилганидек, илк дақиқалардан манчестерликлар бироз фаолроқ ҳаракат қиляпти.

• 1'
  

  Мустаҳкам жойлашиб олинг! Ўйин бошланди!

• 0'

  Сардорлар иштирокидаги расмий жараёнлар ортда қолди. Старт учун барчаси тайёр!

• 0'

  Футболчилар майдонга тушиб келди. Супер тўқнашув бошланиш арафасида!