Винисиус Жуниор соғлом: у Хорватияга қарши ўйинни эҳтиёт чораси сабаб ўтказиб юбориши мумкин

Винисиус Жуниорнинг соғлиги билан боғлиқ ҳеч қандай муаммо йўқ ва у жароҳат олмаган.

Аввалроқ, Бразилия миллий терма жамоаси сафида Францияга қарши ўйинда (1:2) тўлиқ 90 дақиқа ҳаракат қилган вингер жамоа машғулотларида майдонда шериклари билан бирга иштирок этмагани ҳақида хабарлар тарқалган эди.

"COPE" радиоси журналисти Мигель Анхель Диас маълум қилишича, футболчининг ҳолати яхши:

“Винисиус билан ҳаммаси жойида. Агар у Хорватияга қарши баҳсда иштирок этмаса, бу фақат эҳтиёт чораси бўлади. У 4 апрель куни бўлиб ўтадиган "Мальорка" – "Реал Мадрид" ўйинига тайёр бўлади.

Шунингдек, унинг шартномасини узайтириш борасида ҳозирча янги учрашувлар бўлиб ўтмади", — деди манба.