Винисиус "Реал"га шартномани узайтириш шартларини айтди

Испаниянинг AS нашри ёзишича, бразилиялик ҳужумчи "Реал" билан шартномани узайтиришга тайёр, бироқ клубдан бир қатор молиявий талабларини инобатга олишни сўраган. 

Манбанинг маълум қилишича, футболчи ҳар мавсум учун солиқлардан кейин 20 миллион евро миқдорида соф маош олишни истамоқда.

Шунингдек, Винисиус ўзининг тижорат мақсадларида қиёфасидан фойдаланишдан тушадиган даромаддаги улушини сақлаб қолишни, шу билан бирга янги шартнома имзолаш учун катта миқдорда бир марталик бонус олишни ҳам талаб қилмоқда.

Ҳозирги кунда Винисиуснинг "Реал" билан амалдаги шартномаси 2027 йил ёзига қадар мўлжалланган.