Винисиус “Реал” таклифини рад этиб, кутилмаган клуб билан музокара бошлади

“Реал”нинг энг моҳир тўпурарларидан Винисиус Жуниорнинг Мадрид клубидаги келажаги мавҳум бўлиб турибди.

Sport нашрининг маълум қилишича, бразилиялик футболчининг вакиллари “Реал” билан ҳамкорликни узайтириш бўйича музокара олиб бораётган эди. Винисиус “Қироллик клуби”нинг биринчи таклифини рад этди.

“Реал” Винисиусни ўз сафида сақлаб қолишни истаётган бўлса-да, ўйинчининг молиявий талабини қондириш учун маошлар учун белгиланган лимитни бузмоқчи эмас.

Винисиусда танлов имконияти катта. Саудия Арабистони клублари унга беш мавсум учун бир миллиард евро маош таклиф қилган.

Сўнгги маълумотларга кўра, футболчининг манфаатларини ҳимоя қилаётган агентлар ПСЖ билан норасмий музокараларни бошлаб юборди. Бу ҳақда журналист Саша Тавольери хабар тарқатди.

Экспертлар Винисиус ПСЖнинг эътиборидан “Реал”га босим ўтказиш ва молиявий талаблари қондирилишига эришиш учун фойдаланаётганини таъкидламоқда.