Винисиусга жаҳон футболида ҳеч ким олмаган маош берилади

“Реал”нинг асосий ҳужумчиларидан Винисиус Жуниор қийин танлов олдида турибди. Бразилиялик футболчининг “Реал” билан узоқ муддатли шартномаси амалда. Бироқ у жуда кўп можаро ва танқидларга дуч келмоқда.

Саудия Арабистони клублари эса, анчадан бери уни Профессионал лигага чорлаяпти ва ҳали бирор футболчи олмаган маош беришни ваъда қиляпти.

Бу масала яна кўтарилди. Шайхлар “Қироллик клуби”га Винисиус учун 350 миллион евро бадал пули тўлашга тайёр.

Ўйинчининг ўзига беш йиллик шартнома бериб, умумий бир миллиард евро маош белгилашни мўлжалламоқда.

Бундан ташқари, ўйинчига ҳашаматли уйлар, қимматбаҳо автомобиллар ва бошқа катта-катта совға-саломлар берилади.