Винисиуснинг бенефисига айланган ўйинда "Реал" "Ливерпуль"ни ишончли ҳисобда енгди

Европа Чемпионлар Лигаси чорак финал босқичидан ўрин олган "Реал" - "Ливерпуль" учрашуви ўз якунига етди. Унда майдон эгалари 3:1 ҳисобида ғалаба қозонди.

Биринчи таймда мадридликлар Винисиус Жуниор ҳамда Марко Асенсионинг голлари эвазига ҳисобни ишончли кўринишга келтирди. Кейинчалик, Салаҳ орадаги фарқни қисқартирди. Бироқ 65-дақиқада катта саҳнага яна Винисиус чиқди ва 2 та гол фарқини тиклади.

Шу тариқа, мазкур жамоаларнинг кетма-кет иккинчи тўқнашувида "қироллик клуби" 3:1 ҳисобида зафар қучди. Маълумот учун, бундан олдинги баҳс ЕЧЛ-2017/18 йилги мавсум финалига тўғри келганди.

• 90+4'
  

  Учрашув якунланди. Матнли трансляция Жавоҳир Азимов томонидан олиб борилди!

• 90+3'

  Родриго икки рақибини алдай олмади. Вазият қўлдан кетди.

• 90+2'

  Сўнгги сонияларни "қизиллар" олдинги чизиқда ўтказмоқда. Аммо уларга осон бўлмаяпти.

• 90'
  

  Ўйиннинг асосий вақтига 4 дақиқа қўшиб берилди.

• 89'
  

  Арнольднинг бурчакдан оширган тўпини мадридликлар узоқлаштирди.

• 87'

  Тартибли ҳимояланаётган "Реал" мудофааси рақибнинг кетма-кет ҳужумларини бартараф этмоқда.

• 85'
  

  "Реал"нинг бугунги қаҳрамони Винисиус Жуниор ўрнига Родриго майдонга тушди.

• 83'
  

  Ҳужумда қоида бузган Трент Александр-Арнольдга сариқ карточка кўрсатилди.

• 81'
  

  Озан Кабак ва Диогу Жота ўрнига Шакири ҳамда Фирмино майдонга тушди.

• 79'

  Ўйин темпи бироз пасайди. Томонлар дарвоза томон аниқ зарба йўллай олмаяпти.

• 77'

  Тьяго Алькантаранинг жарима майдони ташқарисидан йўллаган зарбаси ноаниқ кетди.

• 76'

  Мерсисайдликларнинг кетма-кет ҳужумлари бесамар кетмоқда.

• 74'

  Энди "қаймоқранглилар" қарши ҳужумларга таянмоқда.

• 72'

  Диогу Жотанинг бош билан йўллаган зарбасига аниқлик етишмади.

• 71'
  

  Бенземанинг ўткир бурчакдан йўллаган зарбасидан кейин тўпни Алиссон ушлаб олди.

• 70'
  

  Марко Асенсио ўз ўрнини Федерико Вальвердега бўшатиб берди.

• 68'

  Икки рақиби қуршовида қолиб кетган Мане тўп йўқотди.

• 66'

  Жуниордан пас қабул қилиб олган Асенсио зарба беришга кечикди. Арнольд хавфни бартараф этди.

• 65'
  

  ГОООООООООООООООООООООООООООООООЛ! Винисиус яна катта саҳнага чиқди!

  Жарима майдони ичидан зарба берган Жуниорнинг уринишини Алиссон бартараф эта олмади.

• 64'

  Асенсион Жуниорни бирга-бир вазиятга чиқариб юборишни мақсад қилганди. Аммо Трент тўпни қайтарди!

• 63'

  Менди жамоасини муқаррар голдан сақлаб қолди. У 5-6 метр масофадан зарба беришга ҳозирланаётган Манени зарарсизлантирди.

• 61'

  Крооснинг зарбасидан кейин тўп тўсин юқорисидан ўтиб кетди.

• 60'

  "Реал"нинг ҳужумлари доим ҳам кескинлашавермаяпти. 

• 58'

  Жарима майдонига ёриб кирган Бенземанинг зарбасидан кейин тўпни ҳимоячилар қайтарди.

• 56'
  

  Ҳужумда қоида бузган Тьяго Алькантарага сариқ карточка кўрсатилди.

• 55'

  Ўйинимизда бир ҳолат кузатилмоқда: гол ўтказиб юборган жамоа дарҳол темпни оширяпти. Бу сафар мадридликлар кичик уйқудан уйғонганини кўриш мумкин.

• 53'

  Трентнинг узатмасига Диогу Жота ноаниқ зарба йўллади.

• 52'

  ВАРга қулоқ солган рефери ҳаммаси жойида эканлигини маълум қилди. Супер темпга тайёрмисиз?!

• 51'
  

  ГОООООООООООООООООООООООООООООООООООООООООЛ! Меҳмонлар ҳисобни қисқартирди!

  Жотанинг фаол ҳаракатларидан кейин тўпга эга чиққан Салаҳ аниқ зарбаси билан дарвозабонни ожиз қолдирди.

• 50'

  Салаҳ жарима майдони ичида зарба йўллай олмади. Ҳимоячилар яхши ҳаракат қилди.

• 49'
  

  Диогу Жотага нисбатан жиддий қўполлик ишлатган Васкес огоҳлантирилди.

• 48'

  Иккинчи 45 дақиқалики меҳмонлар тўп назорати билан бошлади. "Реал" тартибли ҳимояланмоқда.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз!

• 45+1'
  

  Танаффус!

• 45'
  

  Биринчи таймга 1 дақиқа қўшиб берилди.

• 44'

  Арнольд стандартдан узатма амалга оширди. Тўпга ҳеч ким ета олмади. Боз устига, Филипс ўйин қоидасини бузгани учун ҳакам ўйинни тўхтатди.

• 43'

  Асенсио ҳисобни йириклаштириши мумкин эди. Бироқ унинг зарбасига бироз аниқлик етишмади.

• 42'
  

  Юрген Клоппдан юриш: Наби Кейта ўз ўрнини Тьяго Алькантарага бўшатиб берди.

• 40'

  Мадридликлар тўпни ўзида ушлаб турибди. 

• 38'
  

  Ўйин қоидасини бузган Садио Манега сариқ карточка кўрсатилди.

• 36'
  

  ГООООООООООООООООООООООООООООООООООООООООЛ! Асенсио ҳисобни ишончли кўринишга келтирди!

  Трентнинг қўпол хатосидан кейин Асенсио бирга-бир вазиятга чиқиб борди. Тўпни Алиссоннинг устидан олиб ўтган Марко бўш қолган дарвозага тўп киритди.

• 35'

  Ҳакам унча-бунча вазиятга хуштак чалмаяпти. Брих бугун ўйнашга бермоқда.

• 33'

  Асенсионинг ўнг оёқда йўллаган зарбаси анча ноаниқ кетди.

• 32'

  Винисиуснинг кучли зарбасидан кейин Кабак тўп йўналишини ўзгартирди.

• 32'

  Карим Бензема жарима майдони ичида рақиби билан тўқнашиб кетди ва йиқилиб тушди. Феликс Брих яна вазиятни одатий дея баҳолади.

• 30'
  

  Робертсоннинг узатмасига ҳеч ким ета олмади. На мадридликлар, на мерсисайдликлар.

• 30'

  Ўзининг фаол ҳаракатлари билан Салаҳ жамоасига бурчак тўпи ишлаб берди.

• 28'

  Ҳисобда орқада қолишни бошлаган меҳмонлар дарҳол олдинга ўтмоқда.

• 27'
  

  ГОООООООООООООООООООООООООООООООООООООООООООЛ! Учрашувда ҳисоб очилди!

  Крооснинг узатмасини ўзига моҳирлик билан бўйсундирган Винисиус кучли зарбаси билан тўпни дарвозага жойлаб қўйди.

• 25'

  Каземиронинг жарима майдонига узатган тўпига ҳеч ким ета олмади.

• 24'

  Қулай позицияга чиқиб борган Бензема зарба берди. Тўп йўлига Озан Кабак ғов бўлди.

• 22'

  Мане марказда қоида бузди. Ҳакам унга ўйин қоидаларини қайтадан тушунтирди.

• 20'

  Тўп назорати Клопп шогирдлари томонга ўтди. Энди қизил либосдаги футболчилар ҳам рақиб ярим майдонида тўпни эгаллаб турибди.

• 18'

  Бензема билан комбинация уюштирган Винисиус тўпни ўзидан узоқлаштириб юборди. Натижада, Кабак уни зарарсизлантиришга муваффақ бўлди.

• 16'

  "Қизиллар" аста-секинлик билан уйғонмоқда. Жарима майдонига етказиб берилган тўпни Васкес қайтаришга улгурди. 

• 14'

  Тўп назорати "қаймоқранглилар" томонда бўлиб турибди. Улар марказда тўпни ушлаб турибди.

• 13'

  Винисиус Жуниорнинг бош билан йўллаган зарбаси анча хавфли чиқди. Бироқ тўп устун ёнгинасидан ўтиб кетди.

• 12'

  Модрич жарима майдони ичида йиқилиб тушди. Ҳакам ўйинни давом эттиришга рухсат берди.

• 11'
  

  Кроос бурчакдан тўпни ўйинга киритди. Робертсон тўпни узоқлаштирди.

• 9'

  "Реал"нинг босими кучаймоқда. Томонлар эҳтиёткор футбол кўрсатяпти. Вазиятлар жуда кўп деб бўлмайди.

• 7'

  Зидан шогирдлари прессинг уюштирмоқда. Мерсисайдликлар вазиятдан узун паслар билан чиқиб кетмоқчи.

• 5'
  

  Асенсионинг узатмасидан кейин офсайддаги Каземиро тўпни қабул қилиб олди. Ён ҳакам байроқчасини кўтарди.

• 5'

  Мадридликлар анча эркин ҳаракат қилмоқда. Улар дастлабки дақиқалардан фаоллик намойиш этяпти.

• 3'

  Жарима майдони ичига кирган Васкес тўпни йўқотди.

• 2'
  

  Илк аниқ зарба меҳмонларда: Бенземанинг жарима майдони ташқарисидан йўллаган зарбасини Алиссон ушлаб олди.

• 1'
  

  Ўйин бошланди!

• 0'

  Сардорлар иштирокидаги расмий жараёнлар ортда қолди. Оз қолди, азиз мухлислар!!!

• 0'

  Футболчилар майдонга тушиб келди. ЕЧЛнинг оҳангдор мадҳияси янгради!