Vinisiusning keyingi jamoasi ma’lum bo‘ldi

“Real” rahbariyati joriy mavsum yakunlanishi bilan 2026 yilning yozgi transferlari davrida braziliyalik legioner Vinisius Juniorni sotib yuboradigan bo‘ldi.

“Qirollik klubi” rahbariyati 25 yoshli hujumchi bilan yangi shartnomaning muhim bandlari  bo‘yicha kelisha olmayapti. Agar vaziyat shu taqlid davom etsa, hamkorlik rishtalari uzilishi aytilmoqda.

Fichajes nashrining ta’kidlashicha, Vinisius Angliya Premer-ligasiga yo‘l olishi ehtimoli juda katta. “Chesi” klubi uni xarid qilish uchun madridliklar hisob-raqamiga 150 million evro o‘tkazib berishga tayyor.

Agar bu reja amalga oshsa, Vinisiusning “Chelsi”ga o‘tishi nafaqat “aristokratlar”, balki butun Angliya futbolidagi rekord transfer bo‘ladi.

So‘nggi ma’lumotlarga qaraganda, “Chelsi” xo‘jayinlari jamoaning oldingi chizig‘ida Joao Pedro, Estevao va Vinisius Juniordan iborat braziliyalik o‘yinchilardan iborat hujum uchligini tashkil qilmoqchi.