Виталий Левченко: "Сўнгги дақиқаларда хато қилиб, очко йўқотяпмиз"

Cоcа-Cоlа Суперлига 9-туридан ўрин олган «Сурхон» – «Нефтчи» (2:2) учрашувидан сўнг фарғоналиклар бош мураббийи Виталий Левченко ўз фикрларини билдириб ўтди.

“Бугун иккала жамоа ҳам ғалаба қозонишни хоҳлади. Аммо қаердадир, нимадир етишмади. Шундай экан, дуранг адолатли бўлди, деб ҳисоблайман.

Биз Рамазон ойида ҳам очко йўқотдик, сўнгги дақиқаларда гол ўтказиб юбордик. Барчаси, руҳий ҳолатга боғлиқ. Футболни 90 дақиқа, сонияларгача ўйнаш керак. Шунда муаммо бўлмайди.

Албатта, футбол хатоларсиз бўлмайди. Айниқса, учрашув сўнггида хато қиляпмиз. Бугун ҳам биринчи бўлим, ҳам иккинчи бўлим сўнггида гол ўтказиб юбордик. Эътиборни йўқотмасдан ҳаракат қилиш лозим. Сўнгги учта баҳсни барчасида сўнгги дақиқаларда хато қилиб, очко йўқотяпмиз.

«Сурхон» жамоаси ёш, тезкор футболчилардан шаклланган. Жамоа кучли прессинг амалга оширади. Айниқса, ҳужумдаги Нимелини алоҳида таъкидлаган бўлардим. Рақибни ўрганиб чиқиб, уларга бўш ҳудудлар қолдирмасликни таъкидлаган эдим.

Мурод Бобожонов нимага майдонга тушмаяпти? Футболчиларнинг кўрсаткичларини аниқлайдиган ва таҳлил қиладиган махсус дастурлар мавжуд. Айнан ушбу дастур натижаларига кўра, у таркибга кира олмаяпти.

Лутфулла Тўраев ҳақида тўхталадиган бўлсам, у тажрибали футболчи ва жамоамиз сардори. Унга бироз вақт керак. «Андижон» билан кечган ўртоқлик ўйинида бир тайм ҳаракат қилди. Тез орада спорт формасига кириб олишига ишонаман”, – деди Левченко.