WBА янгиланган рейтингида боксчиларимиз юқорилади

Профессионал бокс таянч ташкилотларидан бири бўлган Бутунжаҳон бокс ассоциацияси (WBА) январь ойи якунига кўра янгиланган рейтингини эълон қилди. Унда ўзбек боксчилари қуйидаги ўринларда қайд этилган:

Супер ярим ўрта вазн (69,8 кг): Исроил Мадримов 1-ўрин,

Супер енгил вазн (63,5 кг): Шаҳрам Ғиёсов 7-ўрин, Шоҳжаҳон Эргашев 10-ўрин,

Ярим енгил вазн (57,1 кг): Отабек Холматов ўтган ойдаги ўрнидан бир поғона юқорилаб 13-ўринга жойлашган,

Биринчи ярим енгил вазн (55,3 кг): Муроджон Аҳмадалиев жаҳон чемпиони сифатида рейтинг юқорисида,

Биринчи ўта енгил вазн (48,9 кг): Ҳасанбой Дўсматов 2 поғона кўтарилди ва 3-ўринга лойиқ кўрилди.