World Boxing кубоги. Терма жамоамиз 4 нафар боксчи билан қатнашиб, 3 та медални қўлга киритди!

20-26 апрель кунлари Бразилиянинг Фоз де Игуасу шаҳри, World Boxing кубогининг биринчи босқичига мезбонлик қилди.

49 мамлакатдан 400 нафар иштирокчи ғолиблик учун баҳс олиб бордилар. Терма жамоамиз вакиллари ушбу босқичда 4 нафар боксчи билан қатнашиб, 2 олтин ва 1 бронза медали билан кубок жангларини якунлашди.

Совриндорларимиз билан танишинг:

Олтин медал:
-48 кг. Фарзона Фозилова
-65 кг. Навбаҳор Ҳамидова

Бронза медал:
+90 кг. Жаҳонгир Зокиров

Мураббий: Элшод Расулов

Ҳакам: Маруф Урдушев

Бу ҳақда Ўзбекистон бокс федерацияси хабар бермоқда.