Хаби Алонсо бу футболчини жаҳон даражасидаги юлдузга айлантирмоқчи

“Челси” бош мураббийи Хаби Алонсо Коул Палмерни “жаҳон даражасидаги футболчи” сифатида намоён қилишни ўз олдига мақсад қилиб қўйганини айтди.

Ўтган мавсум Палмер учун турли соғлиқ муаммолари, жумладан, чов соҳасидаги жароҳат ва оёқ бармоғининг синиши сабаб мураккаб кечди.

Бироқ Алонсо бу ёзда Палмер ўзининг энг яхши ҳолатига қайтиш учун катта меҳнат қилаётганига ишонч ҳосил қилган ва Хаби унга бу борада ёрдам бермоқчи.

- Коул ўз ўйинидан завқ олишни, яхши жисмоний ҳолатда бўлишни ва ўзини соғлом ҳис қилишни истайди.

У атрофидаги футболчилар билан яхши алоқа ўрнатишни хоҳлайди. Бизда шундай мақсад бор. Агар уни ўйинга жалб қила олсак, у ўйин ритмини ҳис қилса ва бошқа футболчилар билан яхши ҳамкорлик қилса, у топ даражадаги, жаҳон даражасидаги футболчи эканини намоён қилиб, ажойиб мавсум ўтказишига ишонаман.

Баъзан жароҳат билан боғлиқ шундай даврни бошдан кечириш керак бўладики, ундан сабоқ чиқариш мумкин.

Коул жароҳати сабаб мураккаб даврни бошдан кечирди. Энди у ушбу аломатлар қайтарилмаслиги учун жуда қаттиқ меҳнат қилмоқда. Биринчи кунданоқ у бу муаммоларнинг такрорланмаслиги учун чиндан ҳам қаттиқ ишлаяпти, - деди Алонсо.