Хаби Алонсо “Челси”ни “Манчестер Сити” футболчиси билан кучайтирмоқчи

"Манчестер Сити" ярим ҳимоячиси Нико Гонзалес ёзда АПЛнинг бошқа клубига ўтиши мумкин.

MaxSport маълумотларига кўра, агар Лондон клубининг янги бош мураббийи Хаби Алонсо ўзининг тактик схемасида марказий ярим ҳимоячиларнинг чуқурроқ боғланишини қўллашга қарор қилса, у испаниялик футболчини сотиб олиш вариантини кўриб чиқиши мумкин.

Нико Гонзалес 2025 йилда "Порту"дан "Манчестер Сити"га 60 миллион евро эвазига ўтган. Унинг шартномаси 2029 йил 30 июнгача мўлжалланган. Жорий мавсумда ярим ҳимоячи "шаҳарликлар" сафида барча мусобақаларда 40 та ўйин ўтказиб, иккита гол урди. Transfermarkt портали испанияликнинг нархини 45 миллион еврога баҳоламоқда.