Хаби Алонсо нега «Челси»да ишлашга рози бўлганини тушунтирди

Лондоннинг «Челси» жамоаси бош мураббийи Хаби Алонсо нега айнан шу клубни танлагани ҳақида гапириб берди. Испаниялик мутахассис бу йил баҳор охирида «аристократлар» билан шартнома имзолаб, жамоа бош мураббийи этиб тайинланган. Томонлар ўртасидаги келишув 2030 йил ёзигача мўлжалланган. Алонсонинг таъкидлашича, у «Челси»да катта салоҳият кўрган.

«Бу ерда иш бошлаш учун тўғри вақт эканини билардим. Менда ҳаммаси уддаланишига шубҳа қилмадим. Энди жамоани қай даражада тез яхшилай олишимизни кўрамиз», — деди Алонсо.

«Челси»га келгунга қадар испаниялик мутахассис Мадриднинг «Реал» клубини бошқарган. Бироқ Алонсо тайинланганидан 7 ой ўтар-ўтмас лавозимидан озод этилган эди.