Хаби Алонсо “Реал”га учта суперҳимоячи танлаб берди

“Реал”ни қабул қилиб олиши кутилаётган Хаби Алонсо ҳозирдан бўлажак жамоаси учун таркиб шакллантиришга ҳаракат қилмоқда.

Европа матбуотининг ёзишича, “Қироллик клуби” жорий мавсум мураббийлар штабини қийнаб келган муаммо – ҳимоя чизиғига янги ўйинчи олишга қарор қилган.

Таниқли инсайдер Фабрицио Романо Хаби Алонсо ҳимоя маркази учун уч нафар футболчини нишонга олгани ҳақида хабар чиқарди.

Манбага кўра, испаниялик мутахассисга “Борнмут” вакили Дин Хёйсен, “Арсенал” етакчиси Вильям Салиба ҳамда “Ливерпуль” билан Англия чемпионлигини қўлга киритган Иброҳим Конате номзоди маъқул келган.

Таъкидлаш жоизки, бу уч футболчининг трансфери анча қиммат туради. Бундан ташқари мадридликлар бу трансферлар учун Европанинг “Ливерпуль”, “Челси”, “Манчестер Сити” каби қудратли клублари билан рақобатлашиши лозим.