Хаби Алонсо: "Тахминлар ва миш-мишлар ҳақида гапиришни истамайман"

Хаби Алонсо шу ёзда "Реал Мадрид"ни бошқарувига келиши мумкин. Жамоанинг амалдаги устози Карло Анчелоттининг мавсум якунида кетиш эҳтимоли юқори. Ушбу хабарларга Алонсонинг ўзи изоҳ берди.

"Ҳозир келажакни муҳокама қилиш вақти эмас. Биз мавсумнинг жуда муҳим босқичида турибмиз. Мен тахминлар ва миш-мишлар ҳақида гапиришни истамайман. Нима бўлаётганини тушунаман, лекин ҳозир муҳимроқ ишлар бор", - деди Алонсо,

Эслатиб ўтамиз, айни дамда "Байер" Германия чемпионати турнир жадвалида иккинчи ўринда бормоқда. "Қора ва қизиллар" пешқадам “Бавария”дан 6 очко ортда қолмоқда. Жамоа навбатдаги ўйинини 20 апрель куни "Цанкт-Паули"га қарши ўтказади.