Хабиб Махачев жамоасида катта роль ўйнамайди, чунки...

  • 13 июнь, 10:17
  • 0
  • MMA

Енгил вазн тоифасидаги машҳур россиялик жангчи Эдуард Вартанян UFC шон-шуҳрат зали аъзоси Хабиб Нурмагомедовнинг енгил вазн тоифасида UFC’нинг амалдаги чемпиони Ислом Махачев жамоасида катта роль ўйнашига ишонмайди. Бу ҳақда у YouTube’даги “MMA Bulletin” каналига берган интервьюсида айтди.

“Менимча, Хабиб Исломга ёрдам бериши даргумон (кулади). У Махачевнинг жамоасида катта роль ўйнамайди, чунки Ислом илгари усиз ҳам курашган ва жангларни ажойиб тарзда якунлаган. Хабиб шунчаки тимсол. Менимча, у жангда асосий роль ўйнамайди”, - деди Вартанян.

Ислом Махачев сўнгги жангини UFC 302 турнирида америкалик Дастин Порьега қарши ўтказди ва ўз чемпионлик унвонини муваффақиятли ҳимоя қилди.

Фикрлар

Саралаш
Фикр қолдириш учун авторизациядан ўтинг!