Хабиб Нурмагомедов: "Илия Топурия икки жангчини мағлуб этса, енгил вазндаги камарга даъвогар бўлади"

UFC нинг собиқ чемпиони Хабиб Нурмагомедов ярим енгил вазнда амалдаги чемпион Илия Топуриянинг енгил вазнга ўтишига муносабат билдирди.                                   

"Агар Топурия Дастин Поръе ва Чарльз Оливейрани мағлуб этса, чемпионлик камарига даъвогар бўла олади. Бироқ енгил вазндаги камар учун Ислом Махачевга қарши жанг қилишга тайёр эмас. Ундан аввал Илия ким биландир жанг ўтказиши керак" - деди Хабиб.                                                                                                                                             

Аввалроқ, Топуриянинг мураббийи шогирди енгил вазн тоифасига ўтмоқчи эканини маълум қилган эди.