Хабиб Нурмагомедов қайси футбол учрашувини яхши кўришини айтди

Енгил вазн тоифасида UFC чемпиони ҳисобланган Хабиб Нурмагомедов қайси футбол учрашувини яхши кўришини айтди.

31 ёшли россиялик спортчи инстаграмдаги саҳифасида маълум қилишича, 2003 йилнинг апрелида Чемпионлар лигаси 1/4 финал жавоб баҳси доирасида бўлиб ўтган “Манчестер Юнайтед” ва “Реал” жамоалари баҳси унинг учун энг яхши ўйин ҳисобланади.

Айтиш керакки, шу ўйинда “қизил иблислар” 4:3 ҳисобида ғалаба қозонишган эди. Аммо, икки ўйин натижасига кўра 6:5 ҳисобида устун келган “қироллик клуби” ярим финалга йўл олган.