Хабиб Нурмагомедовни қандай мағлуб этиш мумкин?

UFCнинг енгил вазн тоифасида 13-ўринни эгаллаб турган Чарльз Оливейра дивизион чемпиони Хабиб Нурмагомедовни мағлубиятга учратишига ишонади.

“Мен Хабиб ҳақида ёмон гап айтмайман. У барчани, энг кучлиларни мағлуб этди. Aммо уларнинг ҳаммасини услуби Хабибга қийинчилик туғдирмасди. Уларнинг ҳеч бири “партер”да кучли эмасди.

Унинг услубига қарши менда ажойиб ҳимоя бор. Уни мағлуб эта оладиган йигитман. Aгар бир-икки жангда ғалаба қозонсам, ким билади? Эҳтимол Хабиб билан жанг қилишни уддалай оларман.

Жуи житсу борасидаги мукаммалигимни ва “партер”дан қўрқмаслигимни ҳисобга олсак, бу жуда яхши бўларди ",- деди Оливейра.

30 ёшли бразилиялик кетма-кет муддатдан аввал беш маротаба ғалаба қозониб келмоқда. Ушбу ҳафта охирида у Сан-Паулудаги турнирда Жаред Гордон билан жанг қилади.