Хадсон-Одоининг оёғи операция қилинади

Аввал хабар берганимиздек “Челси” форварди Каллум Хадсон-Одои кеча АПЛнинг 35-туридан ўрин олган “Бёрнли”га (2:2) қарши баҳсда жиддий жароҳат олган эди.

Клуб расмий сайтининг хабар беришича 18 ёшли англиялик футболчининг оёқ пайларида ёриқ пайдо бўлган. Шу боис у тез орада жарроҳлик амалиётини бошдан кечиради.

Унинг қачон сафга қайтиши эса номаълум. Бироқ, шуниси аниқки у бу мавсум бошқа ўйнолмайди.

Маълумот учун, Хадсон-Одои жорий мавсум “аристократлар” сафида жами 29та ўйинда майдонга тушди ва ўз ҳисобига 6та гол ҳамда 7та голли узатма ёздириб қўйишга эришди.