Хамес ўзига жамоа қидиришни бошлаб юборди

"Реал" ярим ҳимоячиси Хамес Родригес жамоадан кетишга қарор қилди. Бу ҳақда El Pais нашри хабар тарқатмоқда.

Юқоридаги манбага кўра, колумбиялик футболчи аллақачон ўзига янги клуб қидиришни бошлаб юборган. "Қироллик клуби" ҳам унинг кетишига қаршилик қилмайди, бироқ унинг трансферидан камида 20 миллион евро ишлаб олмоқчи.  

Хамесга "Милан", "Атлетико" ва "Наполи" клублари жиддий қизиқмоқда.

29 ёшли футболчи жорий мавсум “Реал” сафида 14 та ўйинда майдонга тушди ва ўз ҳисобига 1 та гол ҳамда 2 та голли узатма ёздириб қўйишга эришди. Унинг клуб билан амалдаги шартномаси 2021 йилга қадар имзоланган.

Фикрлар

Фикр қолдириш учун авторизациядан ўтинг!