Хамес Родригес Жаҳон чемпионатига бормоқчи

"Реал Мадрид"нинг собиқ ярим ҳимоячиси Хамес Родригес Мексиканинг "Леон" клубини тарк этиш ниятида.

Журналист Фабрицио Романонинг сўзларига кўра, ярим ҳимоячи йил охиригача амал қиладиган шартномасини янгилаш ниятида эмас. Тажрибали футболчи доимий ўйин амалиётига эга бўладиган янги жамоа топишни истамоқда. Хамес Колумбия билан 2026 йилги Жаҳон чемпионатига боришни истмоқда.

Эслатиб ўтамиз, Родригес жорий мавсум Мексика чемпионатида 14 та ўйин ўтказиб, 3 та гол урди ва иккита голли узатмани амалга оширди.