Хамес Родригес Мадридга қайтмоқда

"Эвертон"нинг ҳужумкор ярим ҳимоячиси Хамес Родригес яна Ла Лигага қайтиши мумкин. Бу ҳақда "Marca" нашри ёзмоқда.

Манбанинг хабар беришича, колумбиялик футболчи "Атлетико"га ўтишга яқин турибди. Хамеснинг ўзи "Твиттер"даги саҳифасида "Ҳеч қачон ишонишдан тўхтаманг", дея ёзиб қолдирди. Бу мадридликларнинг шиори ҳисобланади.

Эслатиб ўтамиз, "матрасчилар" ўтган йили ҳам Хамес билан шартнома имзолашни хоҳлаган эди, бироқ футболчи АПЛга йўл олганди. "Эвертон"нинг янги мураббийи Рафа Бенитес ҳавбекни ўз режаларига киритмаяпти.

2020/21 йилги мавсумда Родригес 23та ўйинда майдонга тушиб, 6та гол урган ва 5та голга ҳаммуаллифлик қилган.