Хамзат Чимаев Ислом Махачев ва Арман Царукян жанги ҳақида сўз юритди

UFCнинг ўрта вазн (83,9 кг) тоифаси рейтингида 12-рақамда қайд этилган Ҳамзат Чимаев (12-0) енгил вазн (70,3 кг) тоифаси чемпиони Ислом Махачев (26-1) ва ушбу дивизиондаги биринчи рақамли даъвогар Арман Царукян (22-3) ўртасидаги ажойиб жанг бўлишини кутмоқда.

“Арманнинг Махачев билан жангда имконияти борми? Албатта, ҳаммада имконият бор. Мен ҳам, ютқазишим ҳам, ютишим мумкин. Энди барча жангчилар Исломдан эҳтиёт бўлишади. Ҳабибнинг йўли қандай бўлганлигини эслайсизми? Унинг исми тилга олинганидаёқ, рақиблар саросимага тушарди. Ҳозир Исломда ҳам вазият худди шундай. У бекорга P4P рейтингида етакчи эмас... Арман чемпионлик жангига лойиқ йигит. Ўйлайманки, бу жуда яхши, қизиқарли жанг бўлади”, — деди Чимаев HUSTLE VLOG’да.

Эслатиб ўтамиз, Чимаев 26 октябрь куни Абу-Дабида Роберт Уиттакерга қарши жанг қилади.