Хау "Борнмут"ни тарк этди. У клубда 25 йил фаолият кўрсатди

Эдди Хау "Борнмут" бош мураббийлиги постини икки томон розилиги остида тарк этди, дея хабар бермоқда клуб расмий сайти.

Хау фаолиятининг 25 йилини "Борнмут"да ўтказди. 1994 йилда асосий жамоада дебют қилган англиялик собиқ футболчи 2008 йилда клуб бош мураббийи сифатида фаолиятини давом эттирган.

42 ёшли мутахассис "Портсмут" таркибида икки мавсум тўп сурган ва "Бёрнли"ни (2011-12) бир мавсум бошқарган.

Хау қўли остида клуб АПЛ сўнгги беш мавсумида элитада жон сақлаб қолди, бироқ якунланган мавсумда жамоа 18-ўринни эгаллаб, чемпионшипга тушиб кетди.