Хавьер Тебас Дани Ольмо ва Пау Викторнинг рўйхатдан ўтказилиши бўйича CSD қарорига муносабат билдирди

2 апрель куни Ла Лига "Барселона" клубида молиявий фейр-плей билан боғлиқ муаммолар борлигини маълум қилди ва Дани Ольмо ҳамда Пау Викторни рўйхатдан ўтказиш учун клубда асос йўқлигини таъкидлади. Чунки "Барса"нинг таркиб учун харажат лимити яна пасайтирилган эди. Бироз вақт ўтиб, Испания Олий спорт кенгаши (CSD) футболчиларни рўйхатдан ўтказишни маъқуллади, Ла Лига эса бу қарорга апелляция берди.

Кейинчалик маъмурий суд CSD қарори ижросини вақтинча тўхтатиш бўйича илтимосномани рад этди — шундай қилиб, Ольмо ва Виктор мавсумни Ла Лигада якунига етказишлари мумкин бўлади.

"Олий спорт кенгашининг сўнгги қарори ҳеч нарсага таҳдид солмайди, чунки у юридик хусусиятга эга.

Бу қарор янги фактга асосланган, яъни Ольмо ва Пау Викторнинг рўйхатдан ўтказилиши ҳеч қачон расман бекор қилинмаган. Испания футбол федерацияси (RFEF) улар Ла Лигада ўйнай олмаслиги ҳақида на расмий баёнот берди, на аниқ ҳаракат қилди.