Хави "Барселона"да Эрлинг Холандни кўришни хоҳламоқда

"Барселона" клубининг собиқ бош мураббийи Хави Эрнандес жамоа сафида кўрмоқчи бўлган футболчи номини айтди.

“Янги трансфер? Мен Эрлинг Холандни "Барселона"да кўргим келади”, – дея Хавининг сўзларини "Barca News" нашри келтиради.

Норвегиялик ҳужумчи Англиянинг "Манчестер Сити" клуби билан 2034 йилнинг ўртасигача шартномаси мавжуд. Transfermarkt портали Холанднинг бозор қийматини 180 миллион евро деб баҳоламоқда.

Англия Премьер-лигасининг жорий мавсумида 25 ёшли бомбардир 7 та ўйинда майдонга тушиб, 9 та гол ва 1 та голли узатма билан жамоасига ёрдам берган.

Шунингдек, Мадриднинг "Реал" клуби ҳам Винисиус Жуниорни сотиб, Эрлинг Холандни сотиб олиш учун ҳаракат қилмоқда деб айрим нашрлар ёзмоқда.