Хави "Барселона"ни бошқаришга рози бўлди

Хави Эрнандес "Барселона"нинг янги бош мураббийига айланади. Бу ҳақда "Mundo Deportivo" нашри хабар тарқатди. 

Манбанинг маълум қилишича, Хави "Барса"ни бошқаришга розилик билдирган. Яқин вақт ичида мураббий "Ал-Садд" билан шартномани бекор қилади ва "Камп Ноу"га қайтади.

Эслатиб ўтамиз, Ла Лига доирасидаги "Райо Вальекано"дан учралган мағлубиятдан сўнг, каталонияликлар Рональд Куманни истеъфога чиқарганди.

Аввалроқ, "Ал-Садд" футболчиси Санти Казорла ҳам Хави "Барса"ни бошқаришга тайёр эканлиги ҳақида гапирганди.