Хави: Бош мақсадим - "Барселона"га қайтиш
Фаолиятини Қатарнинг “Ал Садд” клубида олиб бораётган афсонавий футболчи Хави келажакдаги мақсади мураббий сифатида яна “Барселона”га қайтиш эканини айтди.
Эслатиб ўтиш лозимки, бундан аввалроқ 39 ёшли испаниялик футболчи жорий мавсум якунлангач бутсаларини михга илиб, айнан “Ал Садд”да мураббийлик фаолиятини бошлаши ҳақида айтиб ўтган эди.
“Бу ерда босим камроқ ва шу боис ўзингизга бўлган ишончингизни ошириб, маълум даражада тажриба тўплашингиз мумкин. Мен Феррари ёки самолётни бошқара олмайман. Дастлаб кичкина кемаларни бошқаришни ўрганиш керак. Бош мақсадим эса яна Европага, аниқроғи “Барселона”га қайтиш. Бироқ, бу борада шошилиш керак эмас”, - дейди Хави.
Маълумот учун, Хави 1995-2015 йилларда “Барселона” шарафини ҳимоя қилган.
Фикрлар