Хави: Бу ишни оқлаб бўлмайди

Хабарингиз бор, "Барселона"нинг бразилиялик собиқ футболчиси Дани Алвес жинсий зўравонликда айбланиб ҳибсга олинди ва суд қарорини кутмоқда. 39 ёшли футболчи 4 йилдан 12 йилгача озодликдан маҳрум этилиши мумкин.

"Барселона" бош мураббийи Хави ўша пайтда янгиликдан шокка тушгани ва Алвесга ачинаётганини айтган эди. Испаниялик мутахассис собиқ жамоадоши билан юз берган воқеа ҳақида яна фикр билдирди. Аммо у бу сафар жабрланувчининг тарафини олди.

“Мени нотўғри тушунишди, мен сўзларимни тушунтириб бермоқчиман. Бу ҳақиқатан ҳам мураккаб ва муҳим мавзу. Мен жабрланувчи ҳақида гапирмадим. Менимча, Дани ёки бошқа биров қилган бўлса ҳам, бундай хатти-ҳаракатларни қоралаш керак. Мен жабрланувчи ва бошқа зўравонлик қурбонларидан кечирим сўрамоқчиман. Менга нисбатан айтилаётган танқидларни тушунаман”, - деди Хави.

Эслатиб ўтамиз, бир қиз Дани Алвес уни тунги клуб ҳожатхонасида жинсий алоқа қилишга мажбурлаганини даъво қилмоқда.