Хави жамоага ғалаба қозониш руҳини олиб келган футболчини айтди

"Барселона" бош мураббийи Хави Эрнандес ҳужумчи Роберт Левандовскининг етакчилик фазилатларини юқори баҳолади. Польшалик ҳужумчи 2023 йилда "Осасуна" билан ўйинда қизил карточка олгани учун дисквалификацияни ўтаб, Ла Лигада 2 та ўйин ўтказиб юборганди.

"Левандовски жамоага етакчилик фазилатлари, ғалаба қозониш менталитети ва чемпионлик одатини олиб келади. Унинг онгида мағлубият деган тушунча йўқ.

Роберт бу фазилатларини қолган футболчиларга юқтирмоқда", - деди Хави матбуот анжуманида.

Айни дамда Левандовски 14 та гол билан Испания чемпионатининг жорий мавсумдаги энг яхши тўпурари бўлиб турибди.