Хави: "Райо Вальекано"га қарши бу мавсумдаги энг ёмон ўйинни ўтказдик"

"Барселона" бош мураббийи Хави Эрнандес ҳафта ўртасида "Райо Вальекано"га қарши ўйиндаги мағлубиятни эслади. Каталонияликлар меҳмонда 1:2 ҳисобида мағлуб бўлишди ва турнир жадвалида “Реал”дан 14 очкога ўзиб кетиш имкониятини бой берди.

"Райо Вальеканога қарши учрашувда биз жорий мавсумда энг ёмон ўйин кўрсатдик. Эртага биз учун синов бўладиган жуда муҳим баҳс бўлади. "Бетис" жуда аниқ ўйин схемасига эга ажойиб жамоа. Биз улардан тўпни олиб қўйишга ва устунлик қилишга ҳаракат қиламиз”, - деди испаниялик мураббий матбуот анжуманида.

Эслатиб ўтамиз, Ла Лигада мавсум якунига қадар 7 тур қолди. “Барселона” иккинчи ўриндаги "Реал" Мадриддан 11 очко олдинда.