Хайр, “Челси”!

Жаҳон футболида ўз ўрнига эга бўлган ҳужумкор футболчилар Виллиан ва Педро “Челси” билан хайрлашди ва буни клуб ҳам расман тасдиқлади.

Ҳар икки ўйинчини клуб билан шартномаси якунланди ва улар ўзаро ҳамкорликни давом эттиришни истамади.

2013 йилдан бери “Челси” сафида ўйнаган Виллиан икки марта Англия чемпиони, Англия кубоги, Лига кубоги ва Европа Лигаси мусобақаларида ғолиб чиққан. Бразилиялик футболчи фаолиятини “Арсенал”да давом эттиради.

2015 йилда “Барселона”дан лондонликлар сафига қўшилган Педро бир маротабадан Англия чемпиони, мамлакат кубоги соҳиби ва Европа Лигаси ғолиби бўлган. Испан футболчиси энди “Рома” таркибида тўп суради.