Хайрулла Ҳамидов бугунги ўйин олдидан: Дестро - Элдор тандеми ҳеч қурса, битта гол ясай олади, деб ўйлайман

"Женоа"ни бугун жиддий синов кутмоқда. Генуяликлар А Серия доирасида "Аталанта" билан қуч синашади.

18-турдан ўрин олган ушбу баҳс "Аталанта" майдонида бўлади. Италиянинг "қувноқ жамоаси"га қарши Элдор Шомуродов жамоаси саф тортади.

Мамлакатнинг машҳур нашрларидан бири LaGazzettadelloSport мазкур ўйин учун тахминий таркибларни тузиб чиқди. Таркибдан ҳамюртимиз Элдор Шомуродов ўрин олган. У ҳужумда Дестро билан бирга ҳаракат қилиши кутилмоқда.

Таниқли шарҳловчи Хайрулла Ҳамидов LaGazzettadelloSport нашрининг тахминий таркиби кўпинча тўғри чиқишини таъкидлади ва "Женоа"нинг ҳужумдаги тандеми ҳеч бўлмаса, битта гол уради, деб ҳисобламоқда. Бу ҳақда шарҳловчи телеграмдаги саҳифасида ёзиб қолдирди.

- Ла газеттанинг тахминий таркиби, кўп ҳолда тўғри чиқади. Дестро - Элдор тандеми ҳеч қурса, битта гол ясай олади, деб ўйлайман, - деди Хайрулла Ҳамидов.

Eq0cMhJXMAAdMDr

Матнда хатолик топсангиз, ўша хатони белгилаб, бизга жўнатинг (Ctrl + Enter)