Хендерсон - "Ливерпуль"нинг мавсумдаги энг яхши футболчиси

“Ливерпуль” сардори Жордан Хендерсон жамоанинг 2019/20 йилги мавсумдаги энг яхши футболчиси, деб топилди. Бу ҳақда клуб расмий сайти хабар тарқатмоқда.

30 ёшли ярим ҳимоячи ўтказилган сўровномада Садио Мане ва Трент Александер-Арнольд каби жамоадошларини ортда қолдирди.

Хендерсон ўтган мавсум АПЛда 30 та ўйинда майдонга тушди ва ўз ҳисобига 4 та гол ҳамда 5 та голли узатма ёздириб қўйишга эришди.