"Сити" хўжайинлари рақиб ҳужумчиси учун катта сумма ажратди

«Челси» жамоасида тўп суриб келаётган вингер Педру Нету ёзги трансфер ойнасидан фойдаланиб, жамоасини алмаштириши мумкин. Бу ҳақда Foot Mercato нашри хабар берди.

Манбанинг маълум қилишича, португалиялик футболчига «Манчестер Сити» жиддий қизиқиш билдирмоқда. «Шаҳарликлар» Нету трансфери учун 81 миллион евро таклиф этишга тайёр.

«Манчестер Сити»нинг янги бош мураббийи Энцо Мареска Педру Нетунинг имкониятларини яхши билади. Улар «Челси»да бирга ишлаган, италиялик мутахассис қўл остида Нету лондонликлар асосий таркибининг ажралмас ўйинчисига айланган эди.

Педру Нетунинг ўзи ҳам муҳитни алмаштиришга мойиллигини билдирган ва қадрдон устози қўл остида манчестерлик сафида тўп тепишни истаяпти.