Холанд “Барса”нинг янги етакчиси бўлади

“Барселона” клуби ёзда “Боруссия” ҳужумчиси Эрлинг Холандни трансфер қилиб, уни янги етакчига айлантиришни режалаштирмоқда.

Маълумки, норвегиялик футболчининг шартномасида 2021 йилнинг июнида кучга кирадиган банд бўлиб, унга кўра, ҳужумчига харидор бўлаётган клублар 75 миллион евро эвазига Холандни трансфер қилиши мумкин.

“Барселона” Луис Суарес кетганидан кейин янги ҳужумчи олмади. Месси ҳам ёзда кетиб қолиши мумкин. Шунинг учун ҳам каталонияликлар ҳужум чизиғини тубдан янгиламоқчи.