Холанд энди гол уролмайди

Бундеслига тўпурарлиги учун Роберт Левандовски ва Патрик Шик билан рақобатлашаётган Эрлинг Холанд энди ўз ҳисобга гол ёздириб қўёлмайди.

Бундеслиганинг 20-турида “Хоффенхайм”га қарши учрашувнинг 63-дақиқасида норвегиялик ҳужумчи мураббийлар штабидан уни алмаштиришларини сўраган.

Холанднинг тиббий кўриги унинг мушакларида муаммо борлигини кўрсатди. У даволаниши ва маълум муддатдан сўнг яна чуқурлаштирилган текширувдан ўтказилиши керак, - дейилади клубнинг расмий баёнотида.

Бу Холанднинг жорий мавсумдаги биринчи жароҳати эмас. Аввал ҳам у маълум муддат даволаниб, бир неча ўйинларни ўтказиб юборганди.

21 ёшли ҳужумчи ўзини тиклаш учун қанча вақт керак бўлиши кейинроқ аниқланади. У жорий мавсумда барча турнирларда 20 маротаба майдонга тушиб, рақиблар дарвозасини 23 маротаба ишғол қилди.